Çokollatat e Dashurisë

spot_imgspot_img

Përbërësit:
550 gr çokollatë e zezë
100 gr vafer (me çokollatë)
200 gr lajthi
100 gr çokollatë (me qumësht)
350 gr sheqer pluhur
50 ml pana (e freskët)
50 gr çokollatë e zezë
50 gr kubikë sheqeri (të vegjël në formë zemre)

Përgatitja:

Për përgatitjen e çokollatave filloni me lajthitë, të cilat i vini në një tavë dhe i piqini në furrën e parangrohur, në temepraturë 150°, për 35 minuta, deri kur të marrin ngjyrë të artë.
Ndërkohë përgatisni karamelen: Në një tigan me fund të trashë shkrini me kujdes, në zjarr të ngadaltë sheqerin pluhur, pa e përzier por duke rrotulluar me kujdes tiganin.
Duhet të përftoni një karamele me ngjyrë të errët temperatura e të cilit duhet të jetë 166°- 175° (mund të përdorni termometër ushqimesh).
Gjysmën e karamelit ia shtoni lajthive duke i përzier shpejt.
Masën hidheni në një copë silikoni dhe ndani lajthitë nga njëra-tjetra.
Përdorni një lugë druri që të mos digjni gishtat. Ky duhet të jetë një veprim shumë i shpejtë përndryshe lajthitë mbeten në ngjitura.
Pasi të ftohen pritini lajthitë me thikë ose, nëse dëshironi, grijini në mikser (kjo varet nëse dëshironi t’i keni lajthitë në copa të mëdha ose të imëta).
Më pas vjen radha e masës që do të mbushen çokollatat: copëtoni në një enë vaferët dhe bashkojini me lajthitë e grira. Përziejini me dorë në mënyrë që kremi i vaferit të përzihet me të gjithë masën.
Shkrini çokollatën me qumësht në furrë me mikrovalë ose me banjomari dhe bashkojeni me masën e vaferit dhe lajthive. Përziejeni mirë.
Masa e çokollatës duhet të jetë e butë dhe kompakte. Më pas shkrini çokollatën e zezë. Që të mos digjet, ajo nuk duhet ta tejkalojë temperaturën prej 31°. Në këtë mënyrë do të përftoni çokollata që mund të ruhen për një kohë të gjatë.
Për t’ia dalë mbanë ka dy mënyra: ose shkrijeni çokollatën me banjomari dhe me ndihmën e termometrit e përzieni deri kur të shkrihet plotësisht pa kaluar temperaturën ose nëse e kaloni temperaturën prej 31°, duhet ta çoni atë deri në 45°, maksimumi 50° dhe kur të arrijë kjo temperaturë, derdheni 2/3 e saj në një sipërfaqe mermeri (jo në lloje të tjera sipërfaqesh), dhe me një spatul e përzieni shpejt, deri kur të arrijë temperaturën 29°.
Bashkojeni më pas me pjesën tjetër të çokollatës dhe përziejeni vazhdimisht deri kur të arrijë temperaturën 31°
Pas kësaj hidheni çokollatën në enën prej polikarboni, dhe kthejeni përmbys në mënyrë që çokollata e tepërt të bjerë poshtë.
Eleminoni çokollatën e tepërt sërish me ndihmën e një spatule, aq sa të krijoni vend për mbushjen. Lereni të ftohet për disa orë.
Mbushini çokollatat me ndihmën e një luge të vogël.
Kujdes, mos i prekni buzët e enës, por lini 2-3 mm hapsirë.
Ngroheni pjesën e mbetur të çokollatës deri në temperaturë 31° dhe hidheni sipër enës, për të krijuar mbushjen dhe nivelojeni me ndihmën e një spatuele.
Lerini të ftohen çokollatat për disa orë. Kur të forcohen hiqini nga ena dhe verini në një sipërfaqe të sheshtë.
Më pas filloni përgatitjet e dekorimit: shkrini çokollatën dhe shtoni panën.
Përziejeni mirë.
Hidheni masën në qese formash me majë në formë ylli dhe dekorojini çokollatat në majë, shtoni kubin e sheqerit në formë zemre sipër dhe çokollatat janë gati.

Ju befte mir!


© 2021, Emathja.com. All rights reserved.

Abonohu

spot_imgspot_img

Te ngjashme

spot_imgspot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu