Përbërësit:
1.5 kg gjel deti (i tërë)
1 kg mollë e kuqe
1 kokërr qepë (e mesme)
1 tufë majdanoz
150 gr gjalpë
30 gr sheqer kallami
2 lugë mustardë
3 gr arrëmyshk
5 gr kripë
3 gr piper i zi
3 gr spec i kuq
2 tasa lëng pule
45 gr miell
15 ml uthull molle
125 ml qumësht (me përqindje të ulët yndyre)
Përgatitja:
Pastroni me kujdes gjelin dhe digjini mbi zjarr mbetjet e puplave, lajeni më ujë të rrjedhshëm dhe thajeni me letër kuzhine.
Lidhjani këmbët me spango në mënyrë që gjeli të mos hapet gjatë pjekjes.
Mbusheni me mollën e ndarë më katërsh, qepën e grimcuar dhe majdanozin.
Duke filluar nga qafa, largojani lëkurën nga mishi duke i futur gishtat me kujdes mes saj dhe mishit por duke u kujdesur që të mos e prishni.
Bashkoni gjalpin, sheqerin, mustardën dhe arrënmoskat dhe përziejini në një tas porcelani. Me këtë përbërje lyeni gjelin nga brenda lëkurës që e keni larguar nga mishi dhe në brendësi të tij.
Jepini shije me një lugë kripë, piperin e zi dhe specin e kuq dhe vëreni në një tavë.
Hidhni 2 tasa me lëng pule, 1 tas me ujë dhe futeni në furrë të parangrohur me 180 °C për 3 orë, duke shtuar herë pas here lëng pule për të parandaluar tharjen e mishit.
Në fund të pjekjes, hiqeni nga furra dhe lëreni të pushojë 10 min. Pas kësaj hiqjani lëkurën.
Vëreni në pjatancë dhe mbajeni ngrohtë (me një kapak). Lëngun e mbetur filtroheni më mënyrë që të shmangni yndyrën e tepërt.
Bashkoni dy lugë yndyrë me miell në një tigan të mesëm dhe përziejini në zjarr të ulët derisa të keni përftuar një masë kremoze.
Bashkojeni me lëngun e mishit që kulluat, uthullën dhe qumështin dhe lërini të ziejnë të mbuluar me kapak për 3 min. duke e përzier.
Hidhini piper dhe kripë dhe hidhjani përsipër gjelit pasi ta keni vënë në tryezë.
Ju befte mir!
© 2021 – 2023, EMATHJA. All rights reserved.