Real Madrid-PSG përplasen sërish në merkato, një mesfushor në mes

spot_imgspot_img

Real Madrid dhe PSG janë gati për një tjetër betejë në merkato. Marrëdhëniet mes dy klubeve nuk janë aspak të mira, përkundrazi. Qëndrime të kundërta sa i përket Superligës Europiane, teksa raporti u prish përfundimisht në rastin e Kylian Mbappe.

Gjithsesi, garën për sulmuesin e fituan kampionët e Francës. 23-vjeçari ndërroi mendje në momentet e fundit dhe rinovoi deri në vitin 2025 me PSG-në, duke preferuar milionat përpara transferimit në “Santiago Bernabeu”.

Garë pati edhe verën e kaluar për Eduardo Camavinga, i cili u transferua te Real Madrid. Dy klubet kanë përsëri një objektiv të përbashkët, i cili është Aurelien Tchouameni. 22-vjeçari francez luan si mesfushor përpara mbrojtjes dhe ka edhe dy vite kontratë me Monacon.

Edhe Mbappe ka kërkuar blerjen e tij, teksa garës i është bashkuar edhe Chelsea. Ndërkohë, klubi nga Principata kërkon 80-90 milionë euro për të lënë të lirë Tchouamenin, autor i tetë ndeshjeve dhe 1 goli me kombëtaren e Francës.

/ www.emathja.com

© 2022, Emathja.com. All rights reserved.

Abonohu

spot_imgspot_img

Te ngjashme

spot_imgspot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu