VIDEO/ Goli i dytë sezonal, Muçi i sjell fat Legias së Varshavës

spot_imgspot_img

Ernest Muçi ka gjetur golin e dytë në këtë sezon për Legian e Varshavës. Sulmuesi shqiptar e nisi ndeshjen si titullar dhe gjeti rrugën e rrjetës në minutën e 47-të në sfidën e kampionatit ndaj Piast Gliwice. Ishte pikërisht, goli i Muçit ai që zhbllokoi shifrat e këtij takimi teksa ish-lojtari i Tiranës i shpëtoi mbulimit të kundërshtarëve në zonë dhe mposhti portierin me një goditje teknike.

Pas realizimit të Muçit, Legia gjeti edhe golin e dytë duke vendosur në kasafortë tre pikët teksa fitoi me rezultatin dhe tashmë skuadra polake ngjitet në vendin e katërt të kampionatit me shtatë pikë pas katër javëve të para.

Kujtojmë se ky është goli i dytë për Muçin në kampionat teksa 21-vjeçari realizoi edhe në takimin hapës të kampionatit që Legia barazoi me shifrat 1-1 ndaj Korona Kielce në transfertë duke i dhuruar pikën e parë të tijve.

Ky sezon ka nisur në mënyrën më të mirë për Muçin që ka rigjetur besimin e drejtuesve dhe stafit të Legias ndërsa në këtë mes ka ndikuar edhe trajneri i ri i polakëve, Kosta Runjaic që e vlerëson së tepërmi futbollistin shqiptar.

/ www.emathja.com

© 2022, Emathja.com. All rights reserved.

Abonohu

spot_imgspot_img

Te ngjashme

spot_imgspot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu