Tortë me fruta mali

spot_imgspot_img

Perbersit:

350 gr biskota Petit Beurre
150 gr gjalpë
50 gr cokollatë me qumësht
pak kripë
1 sheqer vanilje
1 lugë gjelle sheqer pluhur
10 lugë gjelle qumësht
Pudingu me fruta mali:
800 ml qumësht
4 puding vanilje
150 gr sheqer
1 sheqer vanilje
450 gr fruta mali
200 gr ajkë për gatim
Kremi i bardhë:
300 ml pana ëmbëlsirash
200 ml ajkë për gatim
1 sheqer vanilje
1 lugë gjelle sheqer pluhur.

Pergatitja:

Biskotat bluajini, ndërsa gjalpën e cokollatën shkrijini në zjarr të ulët.

Pastaj, në biskota shtoni masën e shkrirë dhe të gjithë përbërësit e tjerë. Përziejini mirë.

Këtë masë pastaj vendoseni në një kallëp të përmasave 26-28 cm, të cilin e keni mbuluar me letër të vajosur.

Frutat e malit shkrijini, kullojini mirë dhe miksojini në blender, në mënyrë që të krijoni një pure.

Pluhurin e pudingut trazojeni me pak qumësht, ndërsa qumështin e mbetur ngroheni deri në vlim. Shtoni pudingun e trazuar dhe masën ziejeni në zjarr të ngadaltë derisa të trashet.

Pudingun e nxehtë bëjeni bashkë me ajkën për gatim e më pas shtoni purenë e frutave të malit.

Kremin e përgatitur hidheni në masën me biskota dhe lëreni të ftohet në temperaturë dhome.

Ndërkohë përgatisni kremin e bardhë. Pananë për ëmbëlsira miksojeni me ajkën për gatim dhe sheqerët. Më këtë krem lyejeni tortën e përgatitur, të cilën para konsumimit duhet lënë të qëndrojë në frigorifer për 5 orë.

Para servimit, tortën mund ta zbukuroni sipas dëshirës.

Ju befte mir!


© 2021, Emathja.com. All rights reserved.

Abonohu

spot_imgspot_img

Te ngjashme

spot_imgspot_img
Artikulli paraprakËmbëlsirë e zezë
Artikulli tjetërKek i përmbysur me mollë

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu