Samsung provoi se mund të ofrojë surpriza kur në evenimentin Unpacked të Janarit prezantoi Galaxy Ring. Ishte më tepër një demonstrim sepse një lançim.
Ndërsa koncepti i unazave inteligjente nuk përbën risi, kjo kategori produkti është dominuar nga Oura. Në evenimentin e dytë Unpacked të këtij viti Samsung dha më shumë detaje për Galax Ring, që është produkti i parë i kompanisë në këtë hapësirë.
Samsung efektivisht ka fituar mbi Google dhe Apple duke lançuar një produkt shëndeti dhe fitnesi që mund të porositet nga dita e sotme për 399 dollarë.
Dizajni i unazës është i limituar falë përmasave të vogla dhe mungesës së ekranit. Këto pajisje kanë një qasje më pasive ndaj gjurmimit. Samsung thotë se është një monitorues 24/7 i shëndetit.
Vjen në tre ngjyra të ndryshme: artë, argjendtë dhe zezë. Ka një kornizë prej titani dhe është rezistent ndaj ujit falë certifikimit IP68.
Është 7mm i gjerë dhe 2.6mm i trashë dhe peshon mes 2.3 dhe 3 gram në varësi të madhësisë. Në brendësi ka një akselerometër, një sensor temperature dhe një sensor PPG.
Të dhënat i dërgon në aplikacionin Samsung Health duke krijuar një portret të gjendjes suaj shëndetësore. Jep një pikësim të gjumit që bëni, sa herë lëvizni brenda natës, mat ritmin e rrahjeve të zemrës dhe frymëmarrjes si dhe gjurmon ciklin menstrual. Një pikësim energji tregon sesi ndiheni çdo ditë.
Galaxy Ring do të jetë në shitje prej datës 24 Korrik. /PCWorld Albanian
/ www.emathja.com
© 2024, EMATHJA. All rights reserved.