Shalqiri është fruti që shuan etjen më shumë se çdo frut tjetër. Shalqiri përbëhet nga 92% ujë dhe është i dobishëm për sistemin imunitar. Të dhënat e AgroWeb.org, tregojnë se ky frut përmban gjithashtu edhe antioksidantë të dobishëm, vitaminë C dhe kalium
Është një ndër frutat më të shijshëm të stinës. I ëmbël plot lëng e shije, shalqiri është padyshim mes frutave të pasura me vlera ushqyese dhe mirëbërëse për organizmin. Sigurisht ai shijon dhe të freskon gjatë gjithë ditës por koha ideale për të konsumuar disa copëza shalqiri është herët në mëngjes me stomak bosh. Kjo pasi, shalqiri mbron të gjitha organet e trupit veçanërisht shëndetin e syve dhe zemrës falë nivelit të lartë të tij me likopen. Por gjithashtu, përmbajtja e lartë e antioksidantëve tek shalqiri të njohur si flavonoidë mbron jo vetëm organet e trupit, por luftojnë edhe efektet e plakjes, infeksionet etj. Shalqiri është fruti që shuan etjen më shumë se çdo frut tjetër. Shalqiri përbëhet nga 92% ujë dhe është i dobishëm për sistemin imunitar. Të dhënat e AgroWeb.org, tregojnë se ky frut përmban gjithashtu edhe antioksidantë të dobishëm, vitaminë C dhe kalium.
SHËNDETI I ZEMRËS. Shalqiri është i pasur me amino acide të cilat ulin tensionin e gjakut. Shëndeti i zemrës përmirësohet edhe nga antioksidantët të cilët ulin rrezikun e atakut në zemër.
MBROJTJE PËR GJYMTYRËT. Shalqiri përmban pigmente natyralë që luftojnë inflamacionin në gjymtyrë. Disa studime, të cilave u referohet AgroWeb.org, thonë se falë konsumit të shalqirit, njerëzit janë më pak të prekur nga reumatizma ose artriti. Shalqiri përmban më shumë likopen se domatet dhe çdo perime tjetër.
MBROJTJA E LËKURËS. Ngrënia e shalqirit shërben si mburojë për lëkurën. Antioksidanti likopen ndihmon organizmin edhe ndaj djegieve nga dielli.
SHËNDETI I SYVE. Një racion me shalqi plotëson 30% të nevojës ditore për vitaminë A, e cila është thelbësore për shëndetin e syve.
HIDRATIM. Sipas të dhënave të AgroËeb.org, 92 për qind e përmbajtjes së shalqirit është ujë, ndaj ky frut është ideal për hidratimin e organizmit. Mungesa e lëngjeve dhe ujit në organizëm e drobit atë.
MË SHUMË ENERGJI. Uji, antioksidantët dhe amino acidet tek shalqiri e bëjnë atë ideal për njerëzit që kryejnë aktivitete fizike intensive. Shalqiri përmban edhe shumë kalium, një mineral që ushqen muskujt dhe garanton më shumë energji.
/ www.emathja.com
© 2024, EMATHJA. All rights reserved.