Maserati prezantoi GranTurismon e ri qysh në tetor të vitit të kaluar, por tani ka zbuluar brendësinë e kabinës.
GranTurismo vjen në tri versione. Modeli bazik është Modena, që ka motor 3 litërsh V6 twin-turbo që prodhon 496 kuaj-fuqi.
![](https://emathja.com/wp-content/uploads/2023/01/2-45.jpg)
Pason Trofero me të njëjtin motor, por me 557 kuaj-fuqi. E në kulmin e ofertës është Folgore elektrik që prodhon 761 kuaj-fuqi, dhe ka një bateri me kapacitet prej 92.5 kWh.
![](https://emathja.com/wp-content/uploads/2023/01/3-31.jpg)
GranTurismo sjell konceptin 2+2 ulëse, e Maserati do ta ofrojë në disa variante, ngjyra dhe opsione të personalizuara.
![](https://emathja.com/wp-content/uploads/2023/01/4-25.jpg)
Siç është pritur, pjesë më e madhe e tabelës kontrolluese ka një dizajn që tashmë është parë në crossoverin e ri Grecale, e inovacioni më i madh janë pjesët e paneleve të veshura me lëkurë.
![](https://emathja.com/wp-content/uploads/2023/01/5-23.jpg)
Modena është e kombinuar me dru e lëkurë, kurse Trofeo vjell kombinimin kuqezi me elemente të karbonit, e Folgore me bardhëekaltër.
![](https://emathja.com/wp-content/uploads/2023/01/6-18.jpg)
Siç edhe është pritur, kabina është digjitale dhe bazohet në ekranin qendror multimedial me një diagonale prej 12.3-inç.
![](https://emathja.com/wp-content/uploads/2023/01/7-15.jpg)
Aty është edhe ekrani shtesë prej 8.8-inç, ora luksoze digjitale si dhe ekrani head-up. Qershia mbi tortë, është timoni me butonin start-stop i bazuar në modelin Grecale. /Telegrafi/
![](https://emathja.com/wp-content/uploads/2023/01/8-15.jpg)
![](https://emathja.com/wp-content/uploads/2023/01/9-12.jpg)
![](https://emathja.com/wp-content/uploads/2023/01/10-10.jpg)
![](https://emathja.com/wp-content/uploads/2023/01/11-7.jpg)
![](https://emathja.com/wp-content/uploads/2023/01/12-5.jpg)
/ www.emathja.com
© 2023, EMATHJA. All rights reserved.