Alfa Romeo Tonale po vjen: Publikohet videoja e parë prezantuese

Numërimi mbrapsht ka nisur për premierën e risisë së fundit të veturë Alfa Romeo.

Pas disa vonesave, Alfa Romeo më në fund ka shpallur datën e premierës së crossoverit të ri. Është Tonale, dhe premiera është planifikuar për 8 shkurt.

Në pritje të asaj dite të madhe për markën, por edhe për të gjithë industrinë italiane të veturave, Alfa Romeo na nderoi me një video njoftim.

Është i shkurtër dhe nuk zbulon shumë, por na jep një pasqyrë të pjesës së përparme të automjetit, si dhe një pamje të panelit të instrumenteve në kabinë.

Nëse e ndjekim konceptin e vitit 2019, nuk duhet të ketë befasi për sa i përket dizajnit dhe pikërisht këtë e vërteton videoja që tregon. I pozicionuar poshtë modelit Stelvio, Tonale e re do të ofrohet në një gamë shumë bindëse motorësh.