Drejtori ekzekutiv i Ford, Jim Farley, i dha një pamje të shkurtë shoferit rezervë të ekipit të Red Bull në F1, Danial Ricciardo, të asaj që duket si një F-150 Lightning të gatshëm për pistë.
Koncept vetura është pjesë e një serie demonstruese të veturave elektrike me performanca speciale për të cilat Ford ka punuar në studion e saj të dizajnit.
Në fakt duket se ky version duke se është më i ultë, dhe me gjasë një version më i lehtë dhe më aerodinamik i kamionçinës elektrike, raporton Arena EV.
Ford së fundmi e nënshkroi një marrëveshje historike me Red Bull, duke shënuar kështu rikthimin e prodhuesit të veturave në sezonin e vitit 2026 të Formula 1 pas afro 20 viteve mungesë.
Ky bashkëpunim përfshinë bashkë-zhvillimin e një motori elektrik me kapacitet prej 350kW, motor ky i cili do të përshtatet me rregullat e reja të F1. Një pjesë tjetër është që Ford po e evoluon teknologjinë e saj të veturave elektrike.
Farley beson shumë në përmirësimin e aerodinamikës së veturave elektrike për të shfrytëzuar sa më shumë rrezen dhe efikasitetin e tyre. Ku është më mirë të bësh një punë të tillë sesa në epiqendrën e aerodinamikës së automobilave, F1?
Ford ka koncepte të tjera të tilla demonstruese të performancës të veturave elektrike. Një e tillë është Mustang Mach-E 1400 dhe një tjetër është një super-furgon elektrik me gati 2000 kuaj fuqi.
/ www.emathja.com
© 2023, Emathja. All rights reserved.
