Kofsha pule të skuqura në mënyrë Amerikane

Përbërësit:

• 2 kofsha pule të mëdha,
• 1 l vaj kikiriku,
• miks erëzash (paprika, piper i zi, hudhër e thatë e bluar, pluhur rozmarine),
• kripë.

Përgatitja:

Kofshët e pulës i pastroni mirë dhe u thani ujin e tepërt me letër kuzhine, pastaj i lyeni mirë me kripë dhe miksin e erëzave sipas dëshirës.

Në një enë të thellë të përshtatshme për furrë hidhni vajin dhe vendosni në furrë të nxehet mirë në 180°. Kur ta shikoni që është gati shtoni në të kofshët e pulës, mbulojini me kapak dhe lërini të skuqen për rreth 2 orë të mira derisa të kenë marrë ngjyrën e kuqërremtë.

Hiqini, kullojini nga vaji duke i lënë në një pjatë me letër kuzhine poshtë.,
Shërbejini me patate furre, patate të tiganisura ose me ç’të dëshironi.