Përbërësit:
750 gr tul lope nga shpatulla
3 kokë qepë
2 speca jeshil të freskët
1 lugë piper i kuq
1 lugë margarinë e shkrirë
2-3 lugë uthull
100 ml verë e kuqe
patate
vaj, kripë dhe piper i zi
Përgatitja:
E presim mishin në copë, e kripim dhe grijmë mbi të piper të zi.
Qepët i presim në gjysmërrathë dhe i skuqim në tenxhere me margarinën e shkrirë. Hedhim kripë dhe grijmë piper të zi. Pasi zbutet qepa, në tenxhere e hedhim piperin e kuq dhe uthullën.
Specat i presim në copë dhe i shtojmë në tenxhere. I shtojmë edhe copët e mishit. Hedhim 300 ml ujë dhe e mbulojmë tenxheren me kapak. Pasi avullon lëngu, në tenxhere e hedhim verën e kuqe. Pas kaurdisjes së shkurtër, e heqim tenxheren nga zjarri.
Në pjatën për servirje i vëmë copët e patateve të ziera. Marrim nga gjella dhe vëmë në pjatën për servirje. Zbukurojmë me degë majdanozi.
© 2021 – 2023, EMATHJA. All rights reserved.